ВМРО-ДПМНЕ не ги организираше протестите, ниту подржува бунтови против вакцинацијата, вели Игор Николов од Комисија за здравство на ВМРО-ДПМНЕ. Во интервју за Радио Слободна Европа, тој вели дека власта не презела навремени мерки за да се спречи растот на заразени последниве недели.
-За жал, и за овој четврт бран чувството и кај мене и кај колегите е дека не гледаме јасно кој е планот. Општото чувство е дека повторно влегуваме во нешто, можеби повеќе спремни од претходно, но не задоволително, заради тоа што чувството на неорганизираност и недобар план и понатаму постои – вели Николов.
Според него, требало да се воспостави контрола на границите и да се ограничат собири во затворен простор.
