Во изминатите 24 часа во земјава се евидентирани 1.166 нови случаи на заразени со ковид-19 од направени 6.458 тестирања. Пријавени се 29 починати лица, меѓу нив 21 годишно момче. Регистрирани се 6 починати лица од Тетово, 5 починати лица од Струга, 4 лица од Скопје, по 3 лица од Гостивар, Куманово и Струмица, по едно починато лице од Кичево , Битола , Велес , Македонска Каменица и Пехчево.
Најголем број на новозаразени се евидентирани во Скопје вкупно 375,потоа во Тетово вкупно 159 нови случаи со ковид-19 и во Гостивар вкупно 105.
Најголем број на активни случаи има во Скопје каде што се евиденирани 4451, потоа во Тетово каде што има 2030 активни случаи на заразени со ковид-19 и Гостивар кој брои активни 1548 случаи.
Вкупната бројка на КОВИД-дијагностицирани лица во нашата земја од почетокот на епидемијата изнесува 171.576, бројката на оздравени пациенти е 153.148, на починати е 5.755, а бројот на активни случаи изнесува 12.673.
