19.9 C
Ohrid
петок, јули 19, 2024
ПочетнаМакедонијаУчилиштата чекаат инструкции за онлајн настава онаму каде што е потребно

Училиштата чекаат инструкции за онлајн настава онаму каде што е потребно

Учебната година ќе започне со физичко присуство, но ќе има ученици кои ќе ја следат онлајн доколку нивните родители настојуваат на тоа. Сепак, училиштата се во очекување на инструкции од Владата, во кои случаеви може ученикот да се пренасочи на онлајн настава.

Упатства од Владата и Министерството за образование чекаат училиштата за да организираат онлајн настава за оние родители кои инсистираат на неа. За сите останати ученици, годината ќе почне со физичко присуство, со полн капацитет, според донесените здравствени протоколи.

Исклучоци од оваа одлука ќе има за деца со ретки болести или попречености, деца кои доаѓаат од семејства со хронично болни членови на семејството, по барање на родителите, или други немедицински причини, со дозвола на училиштето.

– До сега немаме ниедно поднесено барање од родител. Во контакт сме со некои родители што имаат хронично болни во семејствата и се консултираат околу тоа како да постапат. Има некои родители за кои навистина знаеме дека децата имаат здравствени проблеми, како операција на срце, и прашуваат што ќе биде со нив. Родителите што имаат хронично болни дома би требало да донесат писмена потврда од лекар. Во моментов, се уште чекаме упатства од Министерството за образование и од Владата, вели во изјава за „Слободен печат“ Драган Арсовски, директорот на гимназијата „Раде Јовчевски-Корчагин“.

Во основното училиште „Кузман Јосифовски-Питу“, пак, наставниците испратиле анкета до родителите во која бараат тие да се изјаснат за една од трите понудени опции за начинот на кој ученикот ќе ја следи наставата: со физичко присуство; онлајн заради здравствени причини; и онлајн заради други немедицински причини. На анкетниот лист е нагласено дека родителот ќе може да го смени исказот исклучиво по завршувањето на првото полугодие.

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Силно невреме го зафати Скопје: Кровна конструкција се заплетка на кабли од далновод.

Поради силното невреме кое го зафати Скопје, дел од кровна конструкција заврши на далновод. Кровната конструкција која ветрот ја оддува се заплетка во каблите од...

Украден калашников од полициската станица во Скопје

Во полициската станица во Карпош украдено е автоматско оружје „калашников“ брифираат извори на Порталикс. Информацијата ја потврди и МВР кои велат дека од 19 јуни...

При контрола на ноќен клуб во Тетово пронајдени 32 жени од Русија, Молдавија, Украина, Косово, Албанија, Србија, Словенија и Казахстан

Полициски службеници од СВР Тетово при контрола на ноќен клуб во тетовско Горно Седларце на 17/18.07 во периодот од 23:30 до 5 часот изутрината...

Бајден е позитивен на ковид-19, ќе паузира од кампањата

Американскиот претседател Џо Бајден е позитивен на ковид-19, потврди Белата куќа. Веста е објавена откако Бајден не се појавил на настан поврзан со претседателската...