И покрај лошата епидемиолошка состојба со корона вирусот во земјава, Владата донесе одлука, наставата од први септември да се одвива со физичко присуство, секаде, освен во Тетово и Гостивар но само во средните училишта.
Комисијата за заразни болести ги утврди протоколите, но колку училиштата се подготвени да ги спроведат и почитуваат?
Дел од наставниците децидни – -На учениците и на наставниците местото им е во училница и тоа е неспорно. Но прашање е дали училиштата се подготвени за настава со физичко присуство?
На учениците и на наставниците местото им е во училница, тоа е неспорно. Сите ние тоа го посакуваме повеќе од било која друга опција. Но прашање е дали училиштата се подготвени за настава со физичко присуство? Веднаш да Ви одговорам – Не се. Можеби се оние со помалку ученици, во руралните средини, но не и училиштата кои имаат и по 1000 ученици – вели наставникот Гоце Бумбароски.
Протоколите за настава со физичко присуство предвидуваат задолжително носење заштитна маска, одржување дистанца, проветрување на училниците. Училиштето треба во функција да ги стави сите влезови, на сите вработени и на сите ученици им се мери температура при влез. Учениците од различни паралелки не треба да се мешаат, а забрането е влегување на родители и старатели.
