Македонската Еспорт Федерација (МЕСФ), во изминатите денови беше дел од големиот европски шампионат European Nations Cup 2021, каде што се играа две дисциплини, Counter Strike: Global Offensive и Pro Evolution Soccer 2021.
За прв пат во историјата на МЕСФ и македонската CS:GO сцена, освоено е златото во меѓународен натпревар. Силните противници од Романија беа поразени со 2:0, а со тоа нашите претставници станаа шампионите на натпреварувањето.
Во периодот од јуни до јули оваа година, се одржа првата „Македонска еспорт игра“, каде се одбраа претставници за шампионатот во кој учество земаа дванаесет федерации.
Покрај победата во CS:GO, Давид Гаревски, нашиот е-фудбалер покажа солидна игра и успеа да стаса до финалето на PES21 натпреварите.
Негов противник во полуфиналето беше Србија, која е најдобра во Европа, па по многу тесна борба, Давид го изгуби натпреварот со 2:0.
Последниот противник на Давид на ова првенство беше Португалија во мечот за трето место. Нивниот дуел заврши со резултат од 2:1, пласирајќи го Давид на четвртото место.
Македонската Еспорт Федерација е формирана во 2009 година, а е членка на Меѓународната Еспорт Федерација и на Европската Еспорт Федерација.
Досега наши учесници биле дел од 15 меѓународни првенства, а ова е првото на кое освојуваме медал.
