Ислам е името на бебето, на млада Авганистанка, која се породи на Клиниката за гинекологија и акушерство во Скопје, многу бргу по нејзиното пристигнување во Северна Македонија. Машко е, ѝ е тешко 3 килограми и 200 грама. Таа е дел од првата група 149 жители на Авганистан, кој организирани дојдоа во земјата. Во чест на новороденчето, Црвениот крст, организираше дочек, со цел на овие луѓе да им се покажат и македонските обичаите кога на свет доаѓа ново бебе.
Беа направени 200 мекици и поделени за време на пладневниот ручек, помеѓу Авганистанците, кои се сместени во хотелот Белви во Скопје. И мајката и бебето се добри и веќе се заедно во хотелска соба, пишува Мики Трајковски за Глас на Америка.
„На овој начин сакавме на традиционален начин, да му посакаме добредојде на бебето“, изјави за Глас на Америка, Сузана Тунева Пауновска, секретар на Црвен крст на Град Скопје.
Во Скопје во моментот се наоѓаат 74 жени, 76 мажи и 56 деца под 18 години. Тие според најавите во Северна Македонија, ќе останат 90 дена.
Автор: Мики Трајковски, Охрид
