Конфликтите во Црна Гора во пресрет на устоличувањето на митрополитот црногорски-приморски Јоаникије ескалираат. Демонстрантите фрлаат молотови коктели, петарди, шишиња, а полицијата употреби солзавец.
Најмалку четири лица беа повредени кога група демонстранти, кои се противат на устоличувањето, утрово неколку пати ја нападнаа полицијата на Цетиње.
Според првите информации, сите се полесно повредени и пуштени се на домашно лекување.
Летаа молотови коктели, петарди, шишиња, а полицијата на нападите одговори со солзавец. Според српските медиуми, во Подгорица се забележани помали инциденти кај автобусот што треба да пренесе дел од свештенството до Цетиње.
Дел од свештенството тргна кон Цетиње, но набрзо се вратија во Подгорица.
Од вчера попладне, сите патишта кон Цетиње се блокирани, а како што пренесува „Вијести“, полицијата им даде рок на демонстрантите на барикадите да се разотидат.
Демонстрантите одговорија со навреди и пцовки.
На Цетиње е полно со полиција, која се обидува да ги спречи демонстрантите да се приближат до манастирот.
