Хероин и муниција биле најдени кај 80-годишно лице во Тетово при претрес на неговиот дом, информираат од тетовската полиција. Претресот бил спроведен со судска наредба.
– Вчера околу 12 часот и 30 минути, на улица „Борис Кидрич“ во Тетово лишен од слобода е С.Б.(80) од Тетово. При негов преглед пронајден му е хероин, а нешто подоцна при претрес на семејниот дом, пронајдени му се вкупно 197 куршуми со различен калибар. За поголемиот број од куршумите тој не поседувал дозвола. По целосно документирање на случајот на С.Б., кој е задржан во Полициската станица Тетово, ќе му биде изготвен поднесок за „неовластено производство и пуштање во промет на наркотични дроги, психотропни супстаници и прекурсори“ согласно член 215 од Кривичниот законик и за „неовластено изработување, држење, посредување и тргување со оружје или распрскувачки материи, казниво по член 396 од Кривичниот законик – информира Марјан Јосифоски, портпарол на СВР Тетово
Со соодветен поднесок денеска С.Б. ќе биде изведен пред судија во претходна постапка на Основниот суд Тетово.
Согласно билтетон на МВР, информираат и дека 93 годишна жена излетала од коловос, на магистралниот пат Ресен-Струга.
„На 09.09.2021 во 20.40 часот во СВР Охрид било пријавено дека на магистралниот пат Ресен-Охрид, на влезот за с.Свиништа, патничко моторно возило „опел“ со гевгелиски регистарски ознаки, управувано од Д.И.Ч.(93) од Стар Дојран, излетало од коловозот. Во незгодата Д.И.Ч. се здобила со тешки телесни повреди констатирани во Специјалната болница „Св.Еразмо“ во Охрид. Извршен бил увид на местото на настанот од увидна екипа од СВР Охрид“ – информираат од МВР.
