19.9 C
Ohrid
петок, јуни 14, 2024
ПочетнаМакедонијаЗаев не се изјасни за оставката на Филипче, ќе чекал напредок на...

Заев не се изјасни за оставката на Филипче, ќе чекал напредок на истрагата, па потоа ќе одлучел.

Премиерот Зоран Заев во обраќање до јавноста не се изјасни за понудените оставки на министерот за здравство, Венко Филипче, заменик министерот Илир Хасани и директорите на тетовската болници кои следуваа неколку дена по големиот пожар во тетовската модуларна болница, каде загинаа вкупно 15 пациенти.

Тој во обраќањето најавува дека одговорност ќе има, но и дека ќе чека да напредок на истрагата, па следната недела ќе го соопшти својот став.

Обраќањето го пренесуваме во целост:

„Почитувани граѓани,

Огромни се тагата и жалоста низ кои поминуваме овие денови заедно со семејствата и блиските на загинатите при несреќата во тетовскиот ковид-центар. Веќе трет ден сведочиме дека трагедијата која се случи на 30-годишнината од денот на независноста ги покрена на највисоко ниво солидарноста кај граѓаните, респонзивноста на институциите и одговорноста на политичарите.

Поднесените оставки од министерот за здравство Филипче, од заменик-министерот Хасани и од директорите на тетовската болница Бесими и Етеми ги примив и ги разбирам како висок морален и етички чин и како демонстрација на интегритет и одговорност која е неминовна при вакви големи несреќи.

Истражните и правосудните органи спроведуваат исклучително темелна, професионална и брза истрага која мора да ги утврди до детаљ причините за избувнувањето на смртоносниот пожар. Кон стручноста и кредибилноста на истрагата ќе придонесат и форензичарите од Германската федерална криминалистика, за што веќе се реализираат подготвителни извидувања и активности и за што упатувам огромна благодарност до нашиот НАТО сојузник, Германија.

Во овие моменти на национална трагедија и на целосна мобилизација на сите државни и општествени капацитети околу целосно расветлување на случајот, упатувам благодарност до сите чинители кои во исклучително краток рок спасија човечки животи, обезбедија сериозни информации и анализи при истрагата, обезбедија врвна стручна странска експертиза, покажаа огромно чувство на солидарност и сочувство и демонстрираа највисоко ниво на одговорност.

Имајќи предвид дека истрагата се спроведува со висока динамика и дека истата е обезбедена со највисоко ниво на стручност и професионалност, мојата проценка и одлука по однос на поднесените оставките ќе ја базирам исклучиво на фактите кои ги добивам од истрагата односно исклучиво согласно утврдените причини за избувнувањето на пожарот. Очекувам тоа да се случи брзо во следниот период за што уште еднаш апелирам до сите институции за брза и темелна истрага.

Одговорност има и ќе има, јасно утврдена врз основа на непобитни форензички факти, а не врз основа на политички пресметки.

Апелирам до целиот народ, до јавноста и до претставниците на медиумите, сите да останеме фокусирани на истрагата и на фактите, да го одржиме силен националниот дух, иако сме облеани во тага, да бидеме ангажирани, но и трпеливи, да ја поминеме оваа трагедија заедно и да помогнеме за никогаш повторно да не ни се повтори.

Најавувам дека во текот на следната недела, во првиот момент откако експертската истрага ќе покаже нов посериозен напредок, ќе ги соопштам ставовите на Владата базирани на фактите од истрагата, на прес-конференција на која ќе одговарам на сите прашања од медиумите. Во меѓувреме, Владата, министерствата и сите надлежни институции остануваат отворени и достапни за сите ваши прашања.

Овие денови, внимателноста при јавните комуникации е исклучиво заради потребата на ниту еден начин да не се влијае врз темпото и квалитетот на истрагата, но целиот процес се води целосно транспарентно и според највисоките институционални стандарди и протоколи. Фокус

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Сиљановска не знае колку чинело патувањето во Берлин

Претседателката Гордана Сиљановска Давкова денеска во изјава за медиумите, а по прашање во врска со нејзиното патување во Берлин каде што учествуваше на Конференцијата...

Бајден: Нема да го помилувам мојот син ниту да му ја ублажам казната

Американскиот претседател Џо Бајден нема да го помилува својот син Хантер или да му ја ублажи казната за три кривични дела поврзани со купување...

Двојно убиство доцна вечерва ја потресе Македонија

Двојно убиство се случи вечерва во еден град од источниот дел од државата, дознава 24инфо.мк. Жена на возраст од 37 години со нож го усмртила...

Македонската јавност згрозена: Четири лица тепале мајка пред нејзините деца

На 17.05.2024 во Виница, пријавените физички ја нападнале М.Р.(31) пред нејзините малолетни деца. Надворешната канцеларија за криминалистички работи Виница поднесе кривична пријава против С.Д.(35) од...