20.9 C
Ohrid
понеделник, јуни 24, 2024
ПочетнаЗабаваНад 70 жени се „омажија“ за локални дрвја за да ги спасат...

Над 70 жени се „омажија“ за локални дрвја за да ги спасат од сеча

Еко-активистките ја организирале церемонијата поради новото решение на градскиот совет со кое се најавени згради за чија изградба треба да се исечат над 70 дрвја во Бристол, пренесува „Euronews“.

Секоја невеста носела традиционална венчаница од различна држава. Иако браковите не се легални, жените сметаат дека со овој чин се слуша нивниот глас за зачувување на локалната природа, пишува Радио Моф.

„Да се омажиш за дрво е апсолутна привилегија. Тоа не е само сентиментален гест, туку тоа е важен симболичен чин. Дрвјата се чист пример за неусловна љубов“, изјавила Сузан Хакет, невеста и жителка на Бристол.

Во 2020 година, Велика Британија изгубила 4.150 хектари природна шума, најчесто во борбата со урбанизацијата.

Идејата за ваков тип на протест произлегла откако Градскиот совет на Бристол испратил соопштение до локалците за нивно иселување од реонот „Baltic Wharf Caravan Site“.

Според планот на градскиот совет, на земјиштето треба да се изградат стамбени згради во вредност од 470 милиони евра. За планот да се оствари треба да се исечат голем број од дрвјата на земјиштето, иако планот не го кажува точниот број. Она што ги загрижува активистите е недостатокот на транспарентност.

„На Бристол му се потребни дрвја, а не луксузни стамбени згради“, додала Сузан.

Професорот Џон Тарлтон, кој предава на Ветеринарниот факултет во Бристол, изјавил дека стравува дека барањето на градскиот совет наскоро ќе се официјализира. Тој на активистичката „свадба“ бил еден од кумовите, кои ги напишал „заветите“ на дрвјата.

„Откако решението за градење ќе се официјализира, се’ ќе биде предоцна. Никој нема да ја смени одлуката. Дрвјата ќе се исечат, а ние нема да може да направиме ништо. Не можеме да си дозволиме да изгубиме 74 дрвја. Тоа е голема бројка за стари дрвја, кои му се најпотребни на Бристол“, изјавил професорот Тарлтон.

Инспирацијата за „свадбата“ е извлечена од богатата историја за заштита на природната средина.

Во 1970 година, индиското движење „Чипко“ стана глобално познато кога група на жени ги прегрнуваа дрвјата за да ги заштитат шумите од сеча.

Во 2018 година, група на жени во Мексико, одржа масовна свадбена церемонија за да ја подигне свеста на јавноста за нелегалната сеча во локалните шуми.

Извор: Радио Моф

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Прилепчанецот Сашо е новиот победик во регионалното музичко шоу „Никогаш не е доцна“

Со над 6.000 освоени смс-гласови, македонскиот натпреварувач Сашо Башески вечерва победи во регионалното музичко шоу „Никогаш не е доцна“. Талентираниот прилепчанец со месеци важеше за...

ЦУК: Во поплавена куќа во Јегуновце има заглавено семејство

Во поплавена куќа во општина Јегуновце, во с. Сиричино има заглавено семејство, информира Центарот за управување со кризи. Тетовската ТППЕ работи на нивно извлекување.

Донев до Костадиноска Стојческа: Јас и Охриѓани нема да ви простиме!

Пратеникот Сашо Донев од говорницата на Собранието ја потсети поранешната министерка за култура Бисера Костадиноска Стојческа за се што не направила за Охрид. ВИДЕО

Бебе во тешка состојба донесено во прилепската болница – починало на пат кон Скопје

На 22.06.2024 во 16.20 часот во Полициската станица Прилеп било пријавено дека во болницата во Прилеп во тешка здравствена состојба, од неговта мајка Ф.Ј.(34)...