Настанот „Градење Европа дома“, кој се случи во Лерин (Флорина), Грција, спои млади од македонската општина Карпош и грчката општина Аминтио за да се поврзат и заеднички да побараат решенија на проблемите пишува Радио Слободна Европа.
Младите од општина Карпош со оние од грчката општина Аминтио во Лерин (Флорина), Грција, седнаа на иста маса, на грчка територија, за да се здружат и да сфатат дека сакаат слични работи и имаат слични проблеми. Настанот „Градење Европа дома“, кој се случи изминатиов петок, ја истакна потребата од поврзување на младите за да се поттикне соработката меѓу граѓаните и релевантните чинители од двете општини.
„Земајќи предвид дека младите луѓе ја перцепираат локалната власт како најблиска до нив, дојдовме до идеја за поврзување и соработка помеѓу општина Карпош и општина Аминтио која ќе обезбеди можности за дијалог помеѓу општините за потенцијалот на билатералната соработка за културен и економски развој на двете општини. Општините треба да инвестираат во креирање иновативни решенија за соработка со нивните граѓани“, изјави за РСЕ, Анелија Митрова, проектен координатор во Младински Сојуз – Крушево.
За повеќе детали кликнете ТУКА
Извор и фото: Радио Слободна Европа
