7.9 C
Ohrid
петок, април 4, 2025
ПочетнаUncategorized @mkАпелите на Народниот правобранител не се важни за Царовска

Апелите на Народниот правобранител не се важни за Царовска

spot_imgspot_imgspot_imgspot_img
spot_img

Министерката за образование и наука Мила Царовска соопшти дека 24 ученици биле новозаразени со коронавирус во вторникот, но не посочи во кои општини или градови. Децидна е дека досега нема индикации за промена на моделот на настава и повторно порача дека таа одлука ја носи Комисијата за заштита од заразни болести. Народниот правобранител Насер Зибери претходно со допис побара од министерството поголема транспарентност околу информациите за заразените во училиштата.

<

„Иако средствата за јавно информирање секојдневно известуваат за конкретни бројки на новооткриени позитивни случаи на ученици и наставници ширум државата, ресорното Министерство за медиумите не соопштува конкретни бројки, туку само споделува информација за извесен процент од 0,02 отсто од вкупниот број ученици, при што се тврди дека интерна трансмисија на вирусот во рамките на училиштата не постои“, се вели во дописот на Правобранителот.

Царовска изјави дека вчера бројот на позитивни ученици бил 0,01 отсто, што според неа е позитивен тренд на намалување.

– Досега нема индикација дека треба да се менува моделот. Кога ќе добиеме индикација, подготвени сме да постапиме – изјави вчера Царовска.

На прашање дека во многу од училниците нема место за физичка дистанца меѓу учениците, Царовска ја префрли одговорноста на Државниот санитарен инспекторат, чија задача била да провери дали условите се соодветни или не. Царовска е задоволна од имунизацијата на наставниот кадар.

– Од наставниот кадар 0,05 процент се заразени со коронавирус. Процентот на вакцинирани наставници е висок, над 74 проценти и тие во континуитет се вакцинираат. Мислам дека до крајот на месецот ќе имаме соодветно ниво за колективен имунитет кај наставниците. Двапати е повисок бројот од националниот стандард. Тоа покажува висока свесност кај наставниците од потребата во континуитет во настава – додаде Царовска.

Народниот правобранител завчера отвори предмет по сопствена иницијатива за следење на остварувањето на правото на образование на децата, како и мерките и активностите што ги преземаат надлежните органи за непречено остварување на ова право во услови на пандемија од ковид-19. Правобранителот Насер Зибери испрати допис до МОН, што, како што се вели, произлегува од честите поплаки на родители заради организацијата на воспитно-образовниот процес.

„Дополнително преку медиумите Народниот правобранител се стекна со сознанија дека на дневна основа расте бројот на заразени ученици и наставници од ковид-19, како и бројот на оние што поради контакт со позитивните случаи се во изолација, што во извесни случаи се и цели паралелки“, се вели во дописот.

На ова министерката Царовска одговори дека најрелевантна институција за прашања по протоколите, планот за работа и сценаријата за настава не е ниту МОН ниту Народниот правобранител, туку Комисијата за заштита од заразни болести.

Извор: Слободен Печат

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Пајак служба одбива да крене службено „Порше Кајен“ на полицаец во Дебар Маало. (Видео)

Граѓани издејствуваа пајак службата да земе возило неправилно паркирано пред ресторан во скопско „Дебар Малоо“. По повеќеминутна расправија со вработените кои првично не сакаа...

Александар Карадаковски имал 40% изгореници по телото, бубрезите му откажувале а добил и тешка инфекција.

Министерот за здравство Арбен Таравари ја потврди веста за смртта на 60-тиот починат од дисокотеката „Пулс“ во Кочани. Министерот информираше дека овој пациент бил...

Пожарот ја зеде 60-тата жртва: Почина Александар Карадаковски – шанкерот на дискотеката „Пулс“ во Кочани

Александар Карадаковски, управител само на лист хартија на дискотеката „Пулс“ во Кочани и на „ММММ Кафе ДООЕЛ“, ја загуби битката со животот. Тој е...

Лишен и задржан во Полициска станица возачот кој со мопед удри дете и избега

Лишен и задржан во Полициска станица возачот кој со мопед удри дете и избега, ќе биде поднесена кривична пријава Во врска со видеото кое беше...