5.9 C
Ohrid
петок, октомври 15, 2021
Почетна Македонија Глупави се тврдењата дека се попишани 72 Бугари, никој жив нема влезено...

Глупави се тврдењата дека се попишани 72 Бугари, никој жив нема влезено во податоците вели Симовски

Translate (Eng):[gtranslate]

Глупави се тврдењата дека се попишани 72 Бугари, никој нема увид во податоците, изјави директорот на Државниот завод за статистика Апостол Симовски за „Утрински брифинг” на прашањето за коментар на изјавата на поранешниот бугарски конзул Иван Анчев, кој за бугарски медиум изјавил дека на Пописот на населението досега како Бугари се изјасниле само 72 лица.

„Никој жив досега нема влезено во податоците кои се собрани од пописот. Ниту едно, единствено лице. Целиот систем е со однапред предвидена заштита за било какво влегување во него, па дури и од нашите вработени. Податоците ќе бидат достапни дури откако ќе заврши пописот и вкупната обработка”, изјави Симовски.
Анчев за порталот Фактор.бг додава дека ако на пописот само 1.000 луѓе покажат бугарско национално чувство, тоа би ја лишило Софија од секакви аргументи во актуелниот спор со Скопје.

Анчев кажа дека останатите 130.000 баратели на бугарски државјанства потпишале изјава пред нотар дека имаат бугарско потекло и национално сознание, што значи дека дале лажна изјава – дело казниво според бугарскиот кривичен законик.

РЕКЛАМА

Досега во земјава според информациите добиени од Државниот завод за статистика, вкупно се попишани 711.418 лица, 221.268 домаќинства и 297.085 станови.

- Реклами -