Штип за еден месец на претстојните локални избори ќе добие татко на градот од веќе кандидираните од СДСМ, ВМРО – ДПМНЕ, коалицијата ДОМ – ЛДП или Интегра. Ветувањата на сите се богати со проекти и активности за подобар град. Но на прашањето колку се богати самите кандидати за градоначалници одговор побаравме во Државната комисија за спречување корупција.
Актуелниот градоначалник од СДСМ, Сашко Николов, има пријавено три недвижни имота од кои два стана во Штип и Скопје, личен имот, и една куќа за одмор во Берово, која е имот на брачен другар. Куќата за одмор е со вредност од 10.000.000 денари, едниот стан – 2.091.000, а другиот – 4.300.000.
Што значи дека Николов поседува недвижен имот во вредност од 16.391.000 денари. Николови поседуваат две моторни возила, едното во вредност од 1.000.000 денари – имот на брачен другар, а другото во вредност од 1.845.000 – личен имот на Николов. Тој има пријавено и кредит во вредност од 430.000 денари. Целиот имот е во вредност од 19.236.000 денари и е стекнат со договор за купопродажба, со исклучок на станот во Скопје, кој е стекнат со наследство.
Актуелниот пратеник во Собранието, Иван Јорданов, има пријавено за недвижен имот две куќи во Штип, имот на родителите. Двете се во вредност од по 1.800.000 денари. Куќите се стекнати со договор за купопродажба. Од подвижен имот, пак, едно моторно возило е во негова лична сопственост и е во вредност од 250.000, а друго имот на родителите и нема информации за неговата вредност.
Стекнати се се со договор за купопродажба. Јорданов има и кредит од 900.000 денари, а поседува пчелни семејства во вредност од 100.000 денари, кои се стекнати на друг начин. Имотот за кој има информации во антикорупциска е со вкупна вредност од 3.950.000.
Кандидатот од коалицијата ДОМ – ЛДП, Ванчо Санев, за недвижен имот има пријавено 5 куќи во Штип, сите личен имот, во вредност од 14.100.000 денари. Две стекнати со договор за купопродажба, две со договор за подарок и една со договор за градба. Санев поседува и едно моторно возило во вредност од 90.000 денари стекнато со договор за купопродажба. Од долгови има два кредита во вредност од 274.537 денари, едниот личен, другиот на брачен другар и една кредитна картичка во вредност од 56.896 денари. Што е вкупно 331.433 денари долгови. Санев има и два банкарски депозита, едниот стекнат со договор за подарок во вредност од 2.989 долари и еден од 324 денари стекнат на друг начин. Вкупниот имот на Санев во 14.190.324 денари и 2.989 долари.
За кандидатот од политичката партија Интерга не пронајдовме информации за имотната состојба, бидејќи тој досега немал јавна функција.
Колку богат градоначалник ќе добие Штип останува да видиме на локалните избори на 17 октомври.
За повеќе детали и Видео клик ТУКА
Извор:Mnet.Mk
