22.9 C
Ohrid
петок, јуни 14, 2024
ПочетнаМакедонијаЗаев се пофали: Познат сум по постигнувањето договори

Заев се пофали: Познат сум по постигнувањето договори

За Отворен Балкан како премиери имаме различен став, но тоа не ни е пречка одлично да соработуваме затоа што должност ни е да им служиме на нашите граѓаните, на економијата, на коморите, на институциите и тоа токму го правиме, изјави премиерот Зоран Заев на денешната прес-конференција со косовскиот премиер Албин Курти, одговарајќи на новинарско прашање што тој мисли дека треба како став да има Косово за Отворен Балкан.

Јас само ќе кажам дека Косово е суверена и независна држава, ги гради своите ставови и ги почитуваме тие ставови. Како човек ќе кажам дека сум познат по постигнување на договори, доказ за тоа се и договорот со Бугарија и Преспанскиот договор, рече Заев.

Според него, на Балканот треба да има дијалог, треба да има разговори, да постигнува договори. На тој начин, смета Заев, повеќе ќе се европеизираме, ќе ја унапредиме регионалната соработка и ќе го засилиме нашиот пат кон ЕУ.

Целиот Западен Балкан, сите шест земји немаат друга алтернатива освен членството во ЕУ. Секое билатерално, мултилатерално договорање овде во регионот е апсолутно заради побрза, поефикасна иднина во ЕУ на сите наши земји, нагласи Заев.

Нашата земја, додаде, покажа храбри чекори заради постигнување на таа цел, а тоа, како што посочи, е полноправно членство во ЕУ.

Ја постигнавме втората стратешка цел, НАТО. Во едни такви околности мислиме дека ако регионот повеќе соработува и Западна Европа и северна Европа и останатиот дел од Европа уште повеќе ќе почитува. Балканот веќе не е буре барут, Балканот не е темпирана бомба. Балканот е балкан на 21 век, ние денес и билатерално тоа го потврдивме со Република Косово, сите наши министри, ние како премиери. Јас сум уверен дека во иднина дијалогот, дипломатијата добрата мисла, пријателството, подадената рака се иднината на европскиот дел на Балканот. Нашето место е заслужено да биде таму, како членки на ЕУ, истакна Заев.

Премиерот Курти, пак, посочи дека сакаат што повеќе соработка и остварување на договорите на билатерално ниво меѓу Косово и Македонија, а денешната средба меѓу двете влади, според него, е доказ за тоа.

Ние сме ориентирани кон иднината, за нас иднината е Европската Унија. Значи ЕУ е нашата среќа, додека Европа е нашиот континент. Затоа, ние ќе ги поттикнеме сите регионални соработки, кои што за цел ја имаат ЕУ, рече Курти.

Додаде дека заедничката желба која ја покажале на овој состанок за нив е гаранција дека тоа што е потпишано на хартија ќе биде остварено и во реалноста.

Оваа наша подготвеност и сериозноста која ја прикажуваме убеден сум дека сите овие договори ќе бидат остварени, а потоа да продолжиме да ги остваруваме и другите позитивни договори коишто беа сопрени. Верувам дека до крајот на нашиот мандат, нема да има потреба на крајот да зборуваме за неостварени договори, туку само за нашите заеднички достигања, на секое од полињата од овие 11 договори кои ги спомнав претходно, рече Курти.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Лена е најмладиот мајстор за бурек, почнала да меси на петгодишна возраст

Во Обреновац се наоѓа пекарата Тијана во која работи малата Лена. Кариерата ја започнала кога имала само пет години, кога ги направила првите колачи. Девојчето...

После повеќегодишното барање на сите фудбалски школи и фудбалски клубови, градоначалникот Пецаков успеа да го реализира проектот за осветлување на помошното фудбалско игралиште со...

После повеќегодишното барање на сите фудбалски школи и фудбалски клубови успеавме да го реализираме проектот за осветлување на помошното фудбалско игралиште со вештачка трева....

Детали од МВР за убиството во Кратово-36 годишната В.И со нож го заклала сопругот и свекорот !

Полициски службеници од ОВР Кратово вчеравечер околу 22:08 часот, ја лишиле од слобода В.И.(36) од Кратово. -Таа се сомничи дека во семејната куќа во Кратово...

Холандскиот турист бил каснат од отровната змија додека ја разгледувал Самоиловата тврдина во Охрид.

Холандскиот турист кој за малку ќе го загубеше животот поради тоа што немало серум во болницата во Охрид, бил каснат од отровната змија додека...