Модуларните болници не се направени од пластика и стиропор како Скопје 2014 кое граѓаните ги чинеше над 600 милиони евра, реагираат од владејачката СДСМ, по денешната прес-конференција на Игор Николов од ВМРО-ДПМНЕ, кој обвини дека сè уште нема основни одговори од кој материјал се градени болниците.
„Игор Николов треба да се засрами кога бара одговорност, морал и етика, треба да се засрами и в очи да ги погледне неговите колеги лекари, здравствениот персонал и кога зборува за градби треба да каже што сè ќе се направеше за здравствениот систем за 600 милиони евра“, се вели во партиската реакција.
Од СДСМ обвинуваат и дека 11 години, додека ВМРО-ДПМНЕ биле на власт, прст не бил помрднат за здравствениот систем.
„Игор Николов наместо празни флоскули и лаги нека одржи една прес-конференција што сè ќе добиеше здравството и пациентите за 600 милиони евра“, порачуваат од владејачката партија
