8.1 C
Ohrid
петок, октомври 15, 2021
Почетна Македонија ВМРО ДПМНЕ објави уште три докази за тендерите во ЈП Водовод и...

ВМРО ДПМНЕ објави уште три докази за тендерите во ЈП Водовод и канализација

Translate (Eng):[gtranslate]

ВМРО ДПМНЕ објави уште три докази за тендерите во ЈП Водовод и канализација.

Барање за надзор на реконструкција на постоечки водовод на 24 јули 2020 година, евиденден лист за хлорирање кој истиот ден го потпишал раководителот на секторот за технички работи и развој на ЈП Водовод и канализација, извештај од тестирање квалитет, односно дезинфекција на мрежа објавен на 29-ти септември – опозициската ВМРО ДПМНЕ изнесе уште три докази за, како што велат, незаконското местење тендери. Од партијата алармираат за корупција која ја вршат директорот Весковски и градоначалникот на Скопје Петре Шилегов.

„Вчера јавното претпријатие Водовод и директорот Весковски признаа кривично дело, со тоа што во документите што ги пратија самите за избор на најповолен понудувач се гледа дека изборот е вршен на 01.10.2020 година. Целата реконструкција на водоводната мрежа е завршена месец ипол претходно. Фирмата КБК Инженеринг најверојатно во непосреден договор со ЈП Водовод и градските власти договориле да отпочнат и да сработат, што само по себе е кривично дело, да се заврши реконструкција на водоводна мрежа, а дури потоа да има избор на најповолен понудувач и баш тоа да е фирмата која што ја завршила работата претходно“ вели Димче Арсовски, портпарол на ВМРО-ДПМНЕ.

РЕКЛАМА

Од ВМРО-ДПМНЕ велат дека не смее да се дозволи, фирми да добиваат работа без да бидат одбрани како најповолен понудувач како што е случајот со КБК Инѓенериг и Кодинг 2, кои ја завршиле реконструкцијата а дури потоа бил распишан тендер и истиот го добиле тие.

- Реклами -