28.9 C
Ohrid
вторник, јули 23, 2024
ПочетнаМакедонијаВо учебниците ќе се брише „бугарски“ пред фашистички окупатор, вели Заев

Во учебниците ќе се брише „бугарски“ пред фашистички окупатор, вели Заев

Патоказот, описот на краткото и долгото име на држава, немешање во внатрешните работи на двете земји, соработка меѓу институциите, во инфраструктурата… се конкретните решенија на кои се работи со Бугарија, а во однос на менувањето на учебниците, во нив ќе се брише називот „бугарски“ пред терминот „фашистички окупатор“, најави денеска премиерот Зоран Заев.
Тој на денешната прес-конференција не одговори конкретно дали ќе се менуваат учебниците по историја, туку кажа дека „ќе се интервенира онаму каде што пишува бугарски фашистички окупатор“.

На прашањето околу вчерашната изјава на бугарскиот претседател Румен Радев за тоа што треба да направи Македонија, Заев објасни што треба да содржи дипломатската нота.

„Ќе треба да има дипломатска нота во која што ќе се опишува дека краткото име е исто со долгото име, односно Северна Македонија е исто со Република Северна Македонија, дека немаме територијални претензии, дека не се мешаме во внатрешните работи, вклучително и за малцинските права… Голем дел од спомениците, коишто ги има и во Бугарија и во Република Северна Македонија треба да бидат во пријателски дух, така што не смее фашизмот да има етничка димензија. Кај голем дел од спомениците кај нас тоа е направено, каде што има бугарски фашистички окупатор тоа ‘бугарски‘ е избришано, стои само фашистички окупатор, затоа што не можете нација да обвините за тоа“, рече Заев, објаснувајќи ги барањата на Радев.

Во однос на учебниците Заев кажа дека има препознаено слабости и во бугарските учебници и тие се спремни да направат исправки.

„Се зборува за термини каде што стои називот на пријателската нација Бугарија е поврзана со фашистички окупатор. Никаде во Европа не се споменува името на нацијата, се спомнува фашистички окупатор, и во тој дух во духот на пријателството, соработка и добрососедство очекуваме тоа да се направи. Имаме препознаено и одредени слабости кај бугарските учебници, спремни се и тие од таа страна тоа да го направат, бидејќи така се гради добрососедство, затоа што ниту во тоа време не можете да квалификувате една цела нација за определена определба“, кажа Заев.

spot_imgspot_img
spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Поранешната министерка за финансии, Нина Ангеловска стана мајка за прв пат.

Поранешната министерка за финансии, Нина Ангеловска стана мајка за прв пат. Пред неколку дена, на свет, го донесе својот син Стефан. На социјалните мрежи...

Левица: Тежок криминал во „Кромберг и Шуберт”- Врз грбот на работниците

​​​​Неколку дена во фабриката „Кромберг и Шуберт” е присутна финансиска полиција поради сомневање за проневера на милионски суми. Криминалниот ланец помеѓу управата во најпрофитабилниот...

На 26-07 во петок, свечено отварања на eтно Ресторанот и вила Бате Боле во село Лешани !!

Во срцето на општина Дебрца, поточно во село Лешани во петок на 26 јули во 19:00 часот  се отвора етно ресторан Бате Боле. Побегнете...

Чавков, Јане Ченто и други осудени за 27-ми април излегуваат од затвор на 30 дена

Осуденици за случајот 27 април се повикале на Членот 225 од Законот за извршување на санкциите, чиишто измени беа изгласани кон крајот на месец...