23.9 C
Ohrid
недела, јуни 29, 2025
ПочетнаСветШвајцарија в недела гласа за истополови бракови и посвојување деца

Швајцарија в недела гласа за истополови бракови и посвојување деца

spot_imgspot_imgspot_imgspot_img
spot_img

Швајцарските гласачи ќе одлучат в недела дали ќе им дозволат на истополовите двојки да се венчаат и да посвојуваат деца, по напнатата кампања меѓу ЛГБТ активистите и конзервативците во една од последните западноевропски земји кои уште ги забрануваат ваквите бракови.

<

Федералната влада и парламентот дозволија граѓански бракови за истополови двојки, но противниците на одлуката повикаа на референдум за ова прашање.
Во Швајцарија, земја со околу 8,5 милиони луѓе, веќе донесените закони може да се оспорат на референдум по собирање на 50.000 потписи. Предлозите што треба да го сменат уставот бараат 100.000 потписи.

Истополовите бракови во Швајцарија ги поддржуваат 63 проценти од испитаниците..
зачуван

Противниците на истополовите бракови во провокативната кампања користеа слики од расплакани деца и зборовите „робови“ напишани над бремените стомаци на жени со африканско потекло, алудирајќи на сурогат мајчинство што е нелегално во Швајцарија.

Застапниците на ЛГБТ бракот, од друга страна, носеа транспаренти во боја на виножито на кои пишуваше „Да, те земам“ на парадите на гордоста во Цирих и Женева.

Анкетата на телевизијата SRG покажува дека истополовите бракови во Швајцарија ги поддржуваат 63 проценти од испитаниците, а против се 35 проценти. Овој тренд е во корист на противниците, бидејќи минатиот месец односот беше 69 спрема 29 проценти.
Корин Гунтер и Анук Освалд, жителки на Цирих, рекоа дека референдумот претставува важно прашање за нив како двојка од ист пол.

„Сакам да бидам во можност да изберам за себе дали сакам да се омажам за оваа партнерка и дали тоа е вистинскиот начин за создавање семејство“, рече 30-годишната Освалд.

„Важно е да ѝ покажете на помладата генерација дека нема потреба да се крие.

Гунтер, исто така, 30-годишна, рече дека е неправедно жените да можат сами да посвојат дете, но не и двојки од ист пол.

„Се разбира, на детето му треба сигурност и љубов“, смета Гунтер, но нагласува дека нема разлика дали детето прима љубов од машко-женска двојка или од хомосексуален пар.

Што ќе се смени?

Истополовите двојки можеа да склучат граѓанско партнерство од 2007 година, и им беше дадено правото да ги посвојат децата на своите партнери во 2018 година.

Измената на законот ќе им овозможи на двојките од ист пол да посвојуваат деца на ист начин како и хетеросексуалните парови.

На брачните лезбејски парови ќе им биде дозволено да оплодуваат со донации на сперма, кои во моментов се легални само за хетеросексуални парови. Новиот закон ќе ги признае двете жени како родители на детето од раѓање.

Противниците на законот тврдат дека ова ги лишува децата од нивниот татко.

„Утре детето во Швајцарија ќе има мајка, но само ‘втор родител’ наместо татко. Таткото е избришан од граѓанскиот законик, тоа за мене не е прифатливо“, вели Оливие Дехаут, член на референдумот комисија која се противи на предлогот.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Жена на возраст од околу 40 години се удави денеска во Дебарското Езеро

Жена на возраст од околу 40 години се удави денеска во Дебарското Езеро, во близина на градската плажа. Телото го забележале двајца граѓани кои...

По цели 10 години поминати во Австралија, Ненад и Мариа Стојменови решија да го напуштат Мелбурн и да се вратат во татковината.

По цели 10 години поминати во Австралија, Ненад и Мариа Стојменови решија да го напуштат Мелбурн и да се вратат во татковината. Нивната нова...

Стојанче Ангелов: Најдов двајца пилоти, од есен ќе започнат со обука

Директорот на Агенцијата за заштита и спасување, Стојанче Ангелов, во емисијата „Трилинг“ реферираше дека сите три противпожарни авиони ер-трактори се во функција, со тоа...

Андоновски: Доаѓа крај на хартиените документи – возачка и лична карта сè на мобилен телефон

На Самитот за дигитализација на Западен Балкан, што ќе се одржи на 1 и 2 октомври во Скопје, официјално ќе биде претставена македонската апликација...