Според податоците на Светска банка објавени неодамна, невработеноста кај младите во Македонија изнесува 50,08%, додека најновиот извештај на Евростат покажува дека речиси 40% од младите немаат работа, ниту се вклучени во процес на образование.
Па така, од Македонија младите заминуваат на привремен престој и работа во Германија.
Младите лица пред се студентите кои заминуваат од родната земја во потрага за “подобар” и поплатен живот, но забораваат на сопствената кариера, прифаќајќи ниско рангирани работни позиции не соодветни на нивните квалификации стекнати преку образовниот систем во Македонија.
Подоцна, кога ќе се вратат во Македонија тие се обидуваат да пронајдат работа според нивното образование, но тоа не им успева бидејќи поголемиот дел од нивниот студентски живот го поминале “правејќи хамбургери” во Германија, а не го стекнале потребното искуство кое се бара од нив на одредени огласи за работа во Македонија.
На тој начин, судентите губат многу време и можности со нивното одење во Германија или во некоја од западните држави по работа, мислеќи дека ќе заработат вртоглава сума на пари за краток период работејќи било каква работа, но не го пресметуваат изгубеното и не надохналиво време за да се стеканат со релеванто работно искуство во Македонија, кое подоцна би им се исплатило доколку останат во сопствената држава и од тука се обидат да ја градат нивната кариера.
Но, не е сѐ така црно, македонската стартап заедница нуди решение за овој проблем кој има три димензии и тоа: економска, социјална и образовна димензија. Имено, Bintern е тоа решение кое ги поврзува студентите и дипломицте со компаниите за пракса и работа соодветна на нивните вештини и знаења. Иновација и уникатност на платформата е тоа што им нуди на студентите пракса уште од првата година на студии и подготвеност да се вклучат на пазарот на труд после нивното дипломирање, токму како што сакаат работодавците.
Извор: Бизнис Вести
