Д-р Лазаров: За маски за медицинари нема, ама затоа за плакати, пенкала и упаљач има секогаш

Доктор Ненад Лазаров кој во текот на целата пандемија алармира на аномалиите на здравствениот систем, со цел нештата да се подобрат, овој пат реагира на промотивниот изборен материјал на политичките партии, додека нема заштита медицинска опрема.

„За заштитна опрема ниту маски за медицинари се нема ,секој сам купува, ама затоа за плакати, пенкала и упаљач има секогаш. Срам да ви е“, порача Д-р Лазаров.

Подоцна, тој појаснува дека во примарно здравство добиле 50 хируршки маски од почеток на кризата.

„На клиника на плазма стерилизираат кн маски, ретко каде по нешто се добива. Излезете од штабови и ќе видите“, коментира Лазаров.

Докторот упати и интересен предлог за предизборен маркетинг:

„Откажете ги барем завршните митинзи, има време за тоа, со парите купете и донирајте заштитни маски и опрема за медицинари, хигиенски средства и филтри за воздух за училиштата, хигиена и заштита во јавен превоз, народни кујни и тн… Нема подобар маркетинг од ова а воедно ќе покажете дека ви е стало до народ и дека разбирате дека митинзи не се безбедни. Ова игнорирање на ковид кризата е психопатологија, ќе ни се врати ко бумеранг“, предложи Лазаров.

ОСТАВИ КОМЕНТАР

Please enter your comment!
Please enter your name here