Две лица вчера се обиделе физички да го нападнат независниот кандидат за градоначалник на Куманово Максим Димитриевски додека имал средба со граѓани во селото Долно Којнаре.
– На 05.10.2021 во 21.33 часот во СВР Куманово, М.Д., кандидат за градоначалник на Куманово пријавил дека, додека имал средба со граѓани во Долно Којнаре, кај спортското игралиште, Д.„Н“ и З.П. го навредувале и му се заканувале, по што се обиделе и физички да го нападнат, информираат од Министерството за внатрешни работи.
Од полицијата велат дека се работи на расчистување на случајот.
