Кондовски: Развојот на туризмот ќе биде стратешка определба на Општина Битола

Развојот на туризмот ќе биде стратешка определба на Општина Битола, а како значаен дел во развојната стратегија во оваа област веќе е зацртан развојот на ловниот туризам!
Ова денеска го истакнав на средба со претставници на Здружението на ловци „Сокол“-Битола. Во Битола има голем број ловџии организирани преку ловните друштва „Сокол“ и „Пелагонија Пелистер“. Соработката со нив е од исклучително значење за да можеме на потребите и на сите отворени прашања кои ги имаат ловџиите да одговориме најоптимално и со вистински решенија!
Ловните терени во битолскиот регион се вистински магнет како за битолските ловџии, така и за оние кои тука доаѓаат од другите делови на државата, но и надвор од неа. Тоа мора да се искористи за развој на туризмот!
За таа цел со ловците делиме исто мислење дека заложбите мора да продолжат во правец на доуредување на ловните терени и обележување на патеките и ловиштата!