Фаворит сум затоа што работевме транспарентно и напорно во изминатите 4 години. За 2,5 години ја исполнивме целокупната кампања и дополнивме со нови проекти во останатите година и половина. За да бидеш фаворит, треба да си ја сработиш партијата, вели градоначалникот на Кавадарци, Митко Јанчев.
Според него, градот Кавадарци е кренат во секој сегмент од општеството, особено во спортот.
За последните изјави на премиерот Зоран Заев дека сите заслуги на градоначалникот се всушност проекти на Владата и нејзино исполнување, Јанчев вели дека зошто тогаш постојат градоначалници.
-Премиерот сака да направи фаворит од својот кандидат и затоа така кажа. Не верувам дека самиот така мисли. Тој беше градоначалник и знае што е локална самоуправа, како се прави и како се гради. Не очекувам да ме пофали, затоа што сме во предизборна кампања, смета Јанчев во емисијата „Утрински брифинг“.
