Претставниците на Неформалната граѓанска иницијатива Коалиција на Египќаните потпишаа Меморандум за соработка со претседателот на ВМРО-ДПМНЕ, Христијан Мицкоски. Демир Далип, претседателот на НГИ Коалиција на Египќаните вели дека и на овие избори тие ја даваат целосната поддршка на кандидатите за градоначалници и советници од ВМРО-ДПМНЕ и дека се дел од коалицијата „Обнова на Македонија“.
„Од 2016 година ние сме во постојана комуникација и соработка со лидерот на ВМРО-ДПМНЕ Христијан Мицкоски, од кого ја имаме целосната поддршка како и визијата за институционална интеграција на Египќаните. И кандидатите за градоначалници на ВМРО ДПМНЕ за Охрид и Ресен, Кирил Пецаков и Јован Тозиески имаат големо разбирање и даваат силна поддршка за Египќаните и очекувам како идни градоначалници многу да помогнат во интеграцијата на Египќаните“, изјави Демир Далип