На сите граѓани им го честитам 11-ти октомври, денот првенец на сенародната борба за слобода и правда. Денот кога започна остварувањето на големиот македонски сон – сопствена држава и државност!
Чествувајќи го споменот на загинатите борци во НОБ, денеска славиме 80 години од почетокот на народното антифашистичко востание, 80 години борба за слобода и човекови права.
Благодарение на нив, денес живееме во независна и суверена држава!
МАКЕДОНСКИОТ ПАТ Е ПРОГРЕСИВЕН!
Нашата држава е земја членка на НАТО алијансата во која слободата и демократијата се основен постулат.
Ова е време во кое преземаме целосна одговорност за сегашноста, но и за иднината во која ќе живеат нашите деца, идните генерации.
Посветено ќе одговориме на актуелните предизвици за подобро утре за сите, за поквалитетен живот во спокој и благосостојба.
Нашата држава покажа дека е зрела да ја развива демократијата и економијата, а ние гордо го прифаќаме предизвикот да работиме на унапредување на нашата општина – градот, но и селата. Затоа градиме за сите генерации! Нашите проекти ги носат најдобрите решенија за сите категории граѓани!
Нека е честит 11-ти октомври!
СЛОБОДА СЕКОГАШ, РЕЖИМ НИКОГАШ!
Кондовски: На сите граѓани им го честитам 11-ти октомври, денот првенец на сенародната борба за слобода и правда
<
