990 грама кокаин во 76 капсули проголтала 27 годишна Бразилка која сакала да ја пренесе дрогата но била фатена на аеродромот „Фрањо Туѓман“.
Во неделата, 3 октомври, царинските службеници на аеродромот во Загреб се посомневале дека пренесува дрога, па затоа ја привеле. Таа пристигнала во Загреб од Сао Паоло преку Лисабон.
Полицајците и цариниците требаше само да почекаат откако на рендген снимката се покажале куп пакетчиња со дрога во телото на Бразилката. Затоа, за да го заштитат нејзиното здравје и живот, веднаш била хоспитализирана во Универзитетскиот болнички центар Загреб.
Единствено што им преостанало на полицајците и цариниците е да чекаат таа да изврши нужда и да ги отстрани доказите. И чекале со денови. Дури денеска Бразилката конечно ги исфрли сите 76 пакетчиња дрога. Речиси килограм кокаин излегло од неа во сите 76 пакетчиња.
Вкупната количина дрога пронајдена во телото на Бразилката е околу 990 грама.
