20.9 C
Ohrid
понеделник, јуни 24, 2024
ПочетнаМакедонијаХаос на градските гробишта во Охрид, откопан погрешен гроб

Хаос на градските гробишта во Охрид, откопан погрешен гроб

На градските гробишта во Охрид денеска се случувала вистинска драма. Имено по налог на јавното претпријатие бил откопан погрешен гроб.

Според нашите информации, добиени од очевидци на местото на настанот, проблемот настанал кога фамилијата која денеска требало да го закопа покојното лице, стигнала до гробното место и видела дека е откопан погрешен гроб.

ОХРИД 24 ја исконтактира фамилијата и тие ни потврдија дека имало таков настан.

-Проблемот настана поради тоа што станува збор за исти презимиња, грешка во системот и беше откопан соседниот гроб. Почекавме петнаесетина минути, но работата се среди, велат од фамилијата на покојното лице.

Од погребалниот оператор кој го вршел откопот на гробното место велат дека грешката е во јавното претпријатие.

-Нам тоа место да го копаме ни беше посочено од страна на јавното претпријатие, ние и не смееме да копаме без да ни се даде дозвола од надлежните во претпријатието. Значи грешката е од нивна страна, посочуваат од погребалниот оператор.

Побаравме став и од директорот на ЈП Градски гробишта, Ванчо Костоски, кој е и актуелен кандидат за член на Советот на општина Охрид од коалицијата “Најдоброто за нашата општина”, предводена од СДСМ.

На СМС пораката која му ја испративме и во која побаравме одговор на прашањето, дали денеска на градските гробишта бил откопан гроб без согласност на старателите, дали имало викање и негодување од страна на фамилијата и дали чекале уште еден час за да се откопа вистинскиот гроб, тој ни одговори дека користи годишен одмор и дека утре ќе провери за што станува збор.

Од фамилијата на покојното лице и од погребалниот оператор негираат, но според нашите информации на местото на настанот имало викање и негодување од страна на фамилијата.За повеќе детали, и линк до оргиналната статија Тука

Извор:Охрид24

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Ова е свештеникот кој беше заклан од страна на терористите во Дагестан

Најмалку пет полицајци загинаа, а најмалку 9 се ранети во нападот што се случи денеска во градот Дербент, Република Дагестан. Меѓу жртвите е и...

Прилепчанецот Сашо е новиот победик во регионалното музичко шоу „Никогаш не е доцна“

Со над 6.000 освоени смс-гласови, македонскиот натпреварувач Сашо Башески вечерва победи во регионалното музичко шоу „Никогаш не е доцна“. Талентираниот прилепчанец со месеци важеше за...

ЦУК: Во поплавена куќа во Јегуновце има заглавено семејство

Во поплавена куќа во општина Јегуновце, во с. Сиричино има заглавено семејство, информира Центарот за управување со кризи. Тетовската ТППЕ работи на нивно извлекување.

Донев до Костадиноска Стојческа: Јас и Охриѓани нема да ви простиме!

Пратеникот Сашо Донев од говорницата на Собранието ја потсети поранешната министерка за култура Бисера Костадиноска Стојческа за се што не направила за Охрид. ВИДЕО