Опозицијата во изборната кампања обвинуваше зошто кандидатот за градоначалник за Битола од СДСМ е менаџер. Токму на оваа тема зборуваше премиерот и претседател на СДСМ, Зоран Заев. Тој потсети на она што се случуваше во периодот пред Петровска да стане градоначалник и рече дека Христо Кондовски ќе продолжи таму каде што застана Наташа.
„Еве вака, имаме градоначалници ние Кавадарци, порано Струмица имало, има градоначалник на Кочани, добар деловен човек, бизнисмен, покажуваат што е што. И ќе ги потсетам граѓаните, го имавме Талески, и знаеме што се случи, и веќе има судски пресуди за оваа работа. А имаме градоначалници кои што биле од деловниот сектор дојдени, докажани бизнисмени и гледате дека се растеретени од финансиските аспекти. Тие веќе создале за себе. Останува нивната мотивација да остават добар печат и почит во тоа што ќе го работат за граѓаните и за својата општина. И влечејќи ги ваквите паралели, прво нема дилема дека растеретени финансиски личности можат многу попосветено, многу пофокусирано, без било какви калкулации да максимизираат ефекти. И тоа го имаме и во нашето скромно минато од 30 години независност. Или еве од 2005 година децентрализирани општини, тоа се 16 години досега. Можеме да го извлечеме, дали низ примерот од Битола, ја гледате чесноста на Наташа, заработуваше за себе или за Битола? Па остави пари во милиони евра за да продолжи Кондовски каде што Наташа застана. А во минатото еве гледаме што се случи, 13 милиони евра обврски“, рече Заев.
