20.9 C
Ohrid
вторник, јули 23, 2024
ПочетнаМакедонијаСпасовски: МВР e пoдгoтвeнo дa oдгoвоpи нa пpeдизвицитe oкoлy бeзбeднocтa нa избopниoт...

Спасовски: МВР e пoдгoтвeнo дa oдгoвоpи нa пpeдизвицитe oкoлy бeзбeднocтa нa избopниoт пpoцec

Министерот за внатрешни работи Оливер Спасовски им се обрати на граѓаните во пресрет на локални избори, односно на изборниот ден.

Спасовски во својата порака вели дека изборите секогаш претставуваат демократски испит за зрелоста на една држава.

-Така ќе биде и со (седмите по ред) Локални избори 2021, на чиј праг сме. Наша заедничка задача e не само успешно да го положиме тој испит, туку и да ја поставиме нашата држава на едно ново, повисоко квалитативно ниво, што впрочем се очекува да претставува основна цел на сите политички субјекти. Мирните и демократски избори ја обезбедуваат иднината на нашата држава! Затоа и ве поканувам во еден празничен изборен дух да ги избереме идните преставници на локалната власт, како што доликува на земја која е членка на НАТО и е на пат за членство во Европската унија. Моето длабоко уверување е дека на 17 октомври нашата татковина ќе го положи својот демократски испит на зрелоста. Политичката свест кај граѓаните на Република Македонија за одговорноста која ја имаат пред иднината на својата држава е на едно високо ниво. Интегритетот на изборниот процес зависи од целосното почитување на основните демократски принципи, според кои граѓаните можат слободно да ја изразат својата волја преку гласачките кутии, во мирна атмосфера, без каква било форма на притисок, а притоа почитувајќи ги и мерките за заштита од Ковид-19, смета министерот.

Нагласува дека МВР е максимално подготвено да одговори на предизвиците околу безбедноста на изборниот процес.

-Апелирам, најнапред до носителите на изборните активности, кандидатите за градоначалници и политичките субјекти што ги поддржуваат тие кандидати, да ги остават граѓаните самостојно да си ја донесат одлуката. Борбата на идеи е втемелена во нивните изборни програми, кои имаа можност да ги претстават за време на предизборната кампања. Сега е редот на граѓаните да го направат изборот според сопствените убедувања! Но, би сакал да ја искористам оваа последна прилика пред почетокот на предизборниот молк да испратам порака и до граѓаните – бидете партнери на македонската полиција, затоа што безбедноста е наша заедничка цел! Партнерскиот однос значи и размена на информации, навремено пријавување во МВР на евентуални незаконски активности во врска со изборниот процес, нарушувања на вашето избирачко право или било каква злоупотреба на тоа уставно загарантирано право. Ние сме тука соодветно да одговориме, полицијата е подготвена да биде гарант за заштита на законитоста, редот и безбедноста. Нека биде заедничко задоволството на крајот на овој изборен процес да констатираме дека сме имале беспрекорен изборен ден, дека заеднички сме придонеле за фер и демократски избори, кои ќе го подигнат уште едно скалило погоре меѓународниот углед на земјата. Нека биде ова заедничка победа на демократијата и евроатлантските вредности, заклучува Спасовски.

spot_imgspot_img
spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Левица: Тежок криминал во „Кромберг и Шуберт”- Врз грбот на работниците

​​​​Неколку дена во фабриката „Кромберг и Шуберт” е присутна финансиска полиција поради сомневање за проневера на милионски суми. Криминалниот ланец помеѓу управата во најпрофитабилниот...

На 26-07 во петок, свечено отварања на eтно Ресторанот и вила Бате Боле во село Лешани !!

Во срцето на општина Дебрца, поточно во село Лешани во петок на 26 јули во 19:00 часот  се отвора етно ресторан Бате Боле. Побегнете...

Чавков, Јане Ченто и други осудени за 27-ми април излегуваат од затвор на 30 дена

Осуденици за случајот 27 април се повикале на Членот 225 од Законот за извршување на санкциите, чиишто измени беа изгласани кон крајот на месец...

Директор д-р Асен Шајн ја предаде должоста на новиот В.Д. Директор д-р Горан Маркоски, со желби за понатамошен успех и континуитет во работата.

Примопредавање на функцијата директор на ЈЗУ Општа болница Охрид Денеска во просториите на административната зграда при ЈЗУ Општа болница Охрид, во пријатна работна...