Социјалдемократскиот сојуз на Македонија објави дека ќе ја врати назад отстаренатата канделабра по вечерниот завршен митинг на владеачката партија во Куманово.
Претходно, актуелниот градоначалник на Куманово, Максим Димитриевски, реагираше дека СДСМ ја уништува урбаната опрема само за да направи простор за бина за вечерашниот настан.
„Повели Максим, вечерва од 20.00 часот на плоштадот во Куманово да видиш што е величествен град, величествен настан, да видиш што е горд кумановски и македонски народ.
Што се однесува до твојата лажна загриженост за привремено остранета канделабра на кумановскиот плоштад, за што пишуваш на фејсбук, НАЈДОБРОТО ти порачува – после величествениот настан истата ќе биде на своето место, а после победата на Оливер Илиевски нашето Куманово ќе добие и многу многу повеќе од тоа“, објави СДСМ.
