осегашниот градоначалник на Охрид од СДСМ, Константин Георгиески, му ја честита победата на својот противкандидат,Кирил Пецаков од ВМРО-ДПМНЕ и рече дека сега ќе се врати на професијата и ќе работи како лекар.
„Ја користам оваа можност да му го честитам изборот на новиот градоначалник на Охрид, господинот пратеник Кирил Пецаков, да му посакам пред сè добро здравје и успех во работата. Сакам да се заблагодарам на сите граѓани кои гласаа за бројот 12 на вчерашните локални избори, ми беше чест овие две и пол години да им служам на граѓаните и на Охрид. Решававме крупни, големи проблеми. Изработивме проекти кои ќе останат зад нас, а оставаме и проекти кои се спремни за реализација како ‘Македонски просветители’, катната гаража, плоштадот Чинар и ред други. Мислам дека со вчерашниот ден заврши едно поглавје од мојот живот кој вклучуваше политички ангажман, мислам дека сега ќе се посветам на професијата од каде што дојдов и ќе продолжам да работам како лекар“,
рече Георгиески на денешната прес-конференција.
Тој вчера освои 13 186 гласа или 3 807 помалку од Пецаков кој освои 16 993 гласа.
