Примопредавањето на градоначалничката функција во Општина Охрид, ќе се случи во понеделник, 8ми ноември. Во градоначалничката фотеља повторно седнува доктор Кирил Пецаков од ВМРО ДПМНЕ, кој победи на неодамна одржаните локални избори во Охрид, ќе го замени интернистот Константин Георгиески, кој, пак, најави дека по завршување на политичкиот ангажман и се враќа на професијата.
Веднаш по примопредавањето на градоначалничката функција, ќе биде конституиран новиот Совет на град Охрид. Во него партиципираат две коалиции предводени од ВМРО ДПМНЕ (10) и СДСМ (8), ДУИ (2), Левица (1), Охрид пред се’ (1) и Охрид има план Б (1). Од партиски извори дознаваме дека формирано е советничко мнозинство кое ќе го предводи ВМРО ДПМНЕ, а во кое, неофицијално, уште ќе партиципираат и Левица и граѓанското движење Охрид пред се’, кое на изборите освои речиси 2000 гласа.
Советничкото мнозинство го обедини граѓанскиот концепт, односно интересите на граѓаните, кои ќе бидат во фокусот на идниот совет и на Градоначалникот. – велат нашите извори.
Во тек е формирање на тимот на градоначалникот кој треба да ја координира реализацијата на најавените проекти и програма со која Пецаков ја доби довербата од охриѓани, а се лицитира и со имиња на директори на јавните претпријатија, кои наскоро ќе добијат нови раководители.
Тој побара благослов од отец Партениј пред да го земе уверението за градоначалник на Охрид.
