Новиот градоначалник на Охрид Кирил Пецаков, денеска за нов секретар на општина Охрид го назначи Александар Китески.
-Голема е одговорноста којашто денеска ја добив од страна на Градоначалникот на Општина Охрид, Д-р Кирил Пецаков да ја извршувам функцијата Секретар на Општината. Гарантирам и се обврзувам пред охриѓани на чесна и одговорна работа, посветеност, ред и дисциплина. Општинската администрација го заслужува тоа затоа што нејзините атрибути се стручна, професионална и одговорна администрација.
Нашата цел е истата да биде ставена во функција на народот, затоа што Охрид и охриѓани го заслужуваат тоа, напиша на Фејсбук новиот секретар.
Китески е дипломиран правник со положен правосуден испит и е вработен во општина Охрид.
