Спирко Блажевски, угостител од Скопје, денеска упадна во галијата во реката Вардар која пред неколку месеци, по налог на поранешниот скопски градоначалник Петре Шилегов почна да се руши и ги избрка работниците, ангажирани за рушење на објектот пишува Слободен Печат.
Инцидентот се случил денеска, после 13 часот и засега нема информации дали е пријавен во полиција.
Инаку дислокација на галиите беше едно од главните ветувања на Шилегов во неговиот прв мандат, но рушењето започна на 18 септември годинава, откако претходно во неколку наврати се закануваше дека ќе го стори тоа поради тоа што сопственикот со месеци не плаќал кирија за истата, со што се создала можност да се раскине договорот.
Поранешниот градоначалник на Скопје, Петре Шилегов, од вчера не е веќе градоначалник.
Извор: Слободен Печат
