Државјанинот на Србија, Љуљзим Сулејмани од Прешево и неговата вереница од Куманово имале луда среќа да го преживеат пеколот во автобусот на смртта, во кој утринава на пат од Истанбул кон Скопје изгореа 46 патници, а меѓу кои и деца.
Од пламенот кој го зафатил автобусот за неколку секунди се спасиле само 7 патници, меѓу нив Љузим и неговата сакана.
А само неколку часа пред трагедијата Љуљзим и вереницата од Куманово, објавувале вљубени фотографии на социјалните мрежи на кои се држат за раце ниту насетувајќи како пекол ги чека на патот. Во моментов како што пренесуваат медиумите во соседството и двајцата се во болница во Софија.
Единствеиниот државјанин на Србија кој беше во автобусот е Љуљзим Сулејмани од Прешево и тој е меѓу преживеаните патници. Како и неговата вереница од Куманово со која бил на патување во Истанбул, рекол за српски Курир, премиерот Заев.
Колку за потсетување несреќата се случи во раните утрински часови, југозападно од Софија во близина на селото Боснек.
