Бојан Маричиќ ќе биде нов вицепремиер за евроинтеграции, потврдува за ТВ 24 висок владин функционер. Освен Маричиќ најверојатно нов вицепремиер ќе има и за борба против корупција, додека Фатмир Битиќи останува потпретседател за економски прашања.
Ротацијата на Маричиќ е само една од промените на ресори за кои според истиот функционер ја планира идниот мандатар Димитар Ковачевски. Во можните ротации се споменува и Љупчо Николовски за во одбрана, иако тоа сè уште виси.
Нови имиња кои се очекуваат во извршната власт на кои инсистира да преземат поголема одговорност Ковачевски е заменичката претседателка во СДСМ Сања Лукаревска. Извесно е и дека пратеничката фотелја ќе ја напушти и Славјанка Петровска, која изигра една од клучните улоги за СДСМ во техничката Влада лани, како дополнителен министер во МВР.
Сепак сè уште не е пресечено дали таа ќе оди во некои од министерствата или ќе добие една од директорските функции во безбедносните агенции. Доколку станува министерка во игра се неколку ресори, меѓу кои и правда, како и МВР, во случај Ковачевски да пресече дека Оливер Спасовски освен од партиската функција треба да си замине и од министерската, особено по поразот на неговиот фаворит во Куманово.
Сепак според партиски извори во СДСМ за ова Ковачевски сè уште не пресекол. Во транспорт и врски се споменува Петре Шилегов, додека првиот избор на Ковачевски за нов човек во образование поранешниот пратеник Игор Ивановски ја одбил понудата актуелната министерка па Мила Царовска откако пред извесно време ТВ 24 објави дека Ковачевски не смета на неа ниту во владата ниту во раководството во СДСМ, денеска самата, како што коментираат од партиски функционер за да ја пресретне смената, самата најави повлекување.
