Финецот Туомас Катаинен кој е сопственик на лимузината на „Тесла“ го привлече вниманието на јавноста со уништување на сопственото возило. На овој чекор се решил поради општото разочарување од споменатиот автомобил, но и од марката.
По почетниот убав период со електричниот седан, Катаинен почна да добива разни известувања во вид на предупредувања на таблата со инструменти. Затоа, тој одлучил да го испрати својот „Model S“ во овластен сервис за да ги реши проблемите. Откако поминал еден месец во сервис, добил известување од „Тесла“ дека проблемот може да се отстрани само со замена на батериите!
Ваквиот потег Катаинен би го чинел најмалку 20.000 евра, кои Финецот, се разбира, не бил подготвен да ги плати. Тука вреди да се спомене дека се работи за половен автомобил, кој е произведен во 2013 година, а Катаинен одлично го опслужуваше цели 1.500 километри.
Тимот што го разнесе возилото со 30 килограми динамит дури постави и кукла која го претставува Илон Маск во „Model S“. Како изгледаше експлозијата на (пре)ценетиот автомобил, погледнете во продолжение:
