Претседателот на ВМРО-ДПМНЕ, Христијан Мицкоски во гостувањето на Канал 5 изјави дека имал комуникација преку СМС-пораки со премиерот во оставка Зоран Заев, на когошто му порачал да не попушта во преговорите со Бугарија.
<
„Имавме една комуникација со Зоран Заев, кога проструи во јавноста дека се преговара за спорот со нашиот источен сосед.
Во таа комуникација, сега е непристојно јас детали да вадам, но генералната моја поента беше да не попушта на притисоците бидејќи македонскиот народ и македонската држава немаат веќе што да даваат, ниту пак што да губат.
И дека тука сум јас, тука е и ВМРО-ДПМНЕ ако му треба поддршка во таа одбрана на македонскиот идентитет, дека му стоиме на располагање“, рече Мицкоски во емисијата „Само вистина“.
