МВР регистрираше рекорд кај алкохолизиран битолчанец..
МВР објави фотографија со дрегер на кој се запишани 4,28 промили алкохол во крвта кај стопиран битолчанец, што најверојатно укажува на рекорд откако полицијата го започна циклусот на акциски контроли низ земјата.
„Во текот на вчерашната вечер (25/26.12.2021) во периодот од 20.00 до 02.00 часот спроведена е зајакната акциска контрола за санкционирање на возачи кои управуваат возила под дејство на алкохол на територијата на СВР Битола, при што санкционирани се 27 возачи.
Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“, објави МВР и ја прикажа фотографијата од дрегерот.
Инаку рекордот на измерени промили алкохол во крвта го држи прилепчанец и тоа од 2011 година. Прилепчанецот Ѓ.М. во полицискиот дрегер „дувнал“ неверојатни 4,83 промили алкохол.
