Прилепската навивачка група популарно наречените “Мајмуни” постои веќе 35 години. Оваа спортска навивачка група покрај навивањето и бодрењето повеќе години е вклучена во разни општествени активности . Тие неодамна организираа акција во која собраа облека и пакетчиња па решија да ги изненадат дечињата со посебни потреби при основното училиште Климент Охридски од Прилеп. За овој убав и хуман гест управата на училиштето на навивачката група и додели благодарница.
“Можиме слободно да кажиме дека сме повеќе и од навивачи бидеjќи во нашите редови имаме луѓе од сите слоеви на социјалното живеење ,па од тука е прозлезена идејата која повеќе години ја практикуваме а тоа е да се вклучуваме во хуманитарни акции од повеќе области како што е посета на штитеници од специјални школи ,помош на социјално загрозени семејства,крводарителски акции ,еколошки и расчистувања ,гаснење на пожари во планини и манастирски појаси и др.
Иако сме група која во моментот нема сопствена членарина но има пријатели кои му веруваат и се вклучуваат со финансиска помош.За традиционалната хуманитарна по повод крисмс оваа година голема благодарност до членовите на групата кои се во дијаспората во Европа Америка а посебно Австралија кои најсилно ја поддржаа ова акција и донираа за нови печатени транспаренти за навивачите.
Наредната година ќе славиме 35 години од постоење и преку целата година планираме активности кои ќе го одбележат нашето постоење и љубовта кон клубот. Изјавија за Шило членовите на навивачката група Мајмуни од Прилеп.
