7.5 C
Ohrid
петок, март 1, 2024
ПочетнаUncategorized @mkМаричиќ- Не е наше ние да кажуваме какво малцинство има во Бугарија

Маричиќ- Не е наше ние да кажуваме какво малцинство има во Бугарија

Новиот вицепремиер за европски прашања Бојан Маричиќ кажа дека не е на Северна Македонија да кажува каде какво малцинство има во регионот, вклучувајќи ја и Бугарија, на денешната прес-конференција со германската државната министерка за Европа Ана Лирман. Маричиќ беше прашан за вчерашната изјава на бугарскиот премиер Кирил Петков дека не постои македонско малцинство во Бугарија и беше побарано директно да одговори дали има такво малцинство.

 

„И досега имавме пракса на немешање во внатрешните прашања на било која наша соседна држава, тоа ни е и обврска од Уставот. Не е на Северна Македонија да кажува каде какво малцинство има во регионот, тоа е внатрешно прашање на сите држави во регионот, вклучувајќи ја и Бугарија. А секоја група на луѓе, етничка заедница, политичка партија или здружение имаат право да ги бараат своите права преку Советот на Европа, Европскиот суд за човекови права и слободи и Европската конвенција за човекови права и слободи. Мислам дека изјаснување и дефинирање на тоа каква етничка заедница егзистира во државите од регионот не би било во овој момент продуктивно“, одговори Маричиќ.

 

Германската министерка Лирман кажа дека за Германија е важно билатералните прашања што постојат меѓу Бугарија и Северна Македонија да бидат решени билатерално, независно од пристапниот процес со ЕУ.

 

„Сакам јасно да кажам дека Германија е сериозна со ЕУ перспективата за сите држави од регионот. ЕУ во однос на Северна Македонија стои на својот збор. Сите предуслови за почеток на пристапните преговори се исполнети и пристапните преговори на ЕУ со вашата земја и со Албанија треба да започнат. Германија и понатаму активно ќе се залага за тоа. За нас и понатаму е важно билатералните прашања што постојат меѓу Бугарија и Северна Македонија да бидат решени билатерално, независно од пристапниот процес со ЕУ. Јас сум оптимист што се однесува до сигналите од Бугарија“, кажа Лирман.

spot_img
spot_img
ПОВРЗАНИ СТАТИИ

Најпопуларни

Повеќе постови

ЗИБЕРИ: Многу лични документи кои се обработени и подготвени за доставување се заглавени во лавиринтите на МВР

Готови документи се заглавени во лавиринтите на МВР, а поднесени се 50 претставки до Народниот правобранител. „Многу лични документи кои се обработени и подготвени...

Обвинителот Коцевски: Сум имал 50 до 60 вакви случаи, но како убиството на Вања Ѓорчевска немав видено

Државниот обвинител Љупчо Коцевски во првото телевизско интервју, во ТОП Тема на Телма наведе дека во обвинителската кариера истражувал многу злосторства, но како убиството...

Зад себе имам мандат без ниту една стратешка грешка, рече Пендаровски

Претседателот Стево Пендаровски ја објави кандидатурата за нов мандат на претстојните претседателски избори. Пребарај.. МАКФАКС МАКФАКС МАКЕДОНИЈАПендаровски ја објави кандидатурата за нов мандат: „Не ме контролира никој, ниту...

Скопјанец не пријавил дека е почината мајка му, па девет години ја земал инвалидската пензија !!!

Одделот за сузбивање на организиран и сериозен криминал поднесе кривична пријава против Н.Љ.(60) од Скопје поради постоење основи на сомнение за сторено кривично дело...