Основачот на Фондацијата отворено општество, американскиот милијардер Џорџ Сорос повика на смена на кинескиот претседател Си Џинпинг.
Тој дури ги спореди претстојните Зимски олимписки игри во Пекинг со Олимписките игри од 1936 година во нацистичка Германија.
Сорос ја нарече Кина „најмоќната авторитарна држава во светот“ и „најголемата закана со која денес се соочуваат отворените општества“.
Сорос тврди дека Кина, „како Германија во 1936 година, ќе се обиде да го искористи спектаклот“ на претстојните Зимски олимписки игри „за да оствари пропагандна победа за својот строг систем на контрола“.
Тој го нарече Си Џинпинг „вистински верник во комунизмот“, за разлика од поранешниот кинески лидер Денг Сијаопинг, кој ги воведе реформите на слободниот пазар, и предупреди дека „Мао Це Тунг и Владимир Ленин се неговите идоли“.
Сорос својот говор во Хувер институто го заврши со повик за промена на режимот во Кина. Тој изјави дека се надева дека Си Џинпинг можеби ќе го замени некој кој ќе биде помалку репресивен.
„Ова би ја отстранило најголемата закана со која денес се соочуваат отворените општества и би требало да направат сè што е во нивна моќ да ја поттикнат Кина да се движи во саканата насока“, порача Сорос.
China’s Xi Jinping is the greatest threat that open societies face today. The country’s roiling real estate market, falling population, and fast-spreading omicron variant might be his undoing, all during his prestige project of the Winter Olympics. https://t.co/1Pf0XEy29M pic.twitter.com/WMyWpPKg0y
— George Soros (@georgesoros) January 31, 2022
