За денот на вљубените во Саудиска Арабија продавниците преплавени со црвена долна облека.

Црвената облека и долната облека ги красат излозите во Саудиска Арабија, но на се` попопуларната промоција за Денот на вљубените недостасува само едно – спомнувањето на зборот Ден на вљубените.
Иако продажбата и подароците за Денот на вљубените станаа секојдневие кај помладата саудиска популација, самиот збор Ден на вљубените не се појавува никаде.

„Раководството ни кажа да го украсиме излогот со црвена долна облека, но да не зборуваме за Денот на вљубените“, вели продавачка во трговскиот центар во Ријад, која одбила да го каже своето име бидејќи не била овластена да зборува со медиумите.

Излозите претставуваат промена во Саудиска Арабија, каде што некогаш строгата верска полиција се справуваше со луѓе кои носеа црвено за време на празникот на 14 февруари. Денот на вљубените има нејасно потекло кое датира од римско време, кога неколку христијански маченици биле наречени Валентин.

Одбележувањето на Денот на вљубените, широко распространето во светот, беше строго забрането во ултраконзервативното кралство, кое ги славеше само муслиманските празници и националниот ден во септември. Но, Саудиска Арабија доживува социјални промени додека се обидува да прикаже поатрактивна слика и да ја диверзифицира својата економија зависна од нафтата.

Строгата верска полиција е воздржана, а на жените им се дадени поголеми слободи. Тие сега имаат право да возат и можат да носат други бои освен традиционалната обична црна наметка од абаја.

Овие промени, сепак, дојдоа заедно со задушувањето на отпорот, што доведе до апсење на свештеници и активисти за правата на жените.

„Сега можеме да ставиме црвена облека на полица, па дури и во излог“, вели продавачка во трговскиот центар Гренада во источен Ријад, која исто така сакала да остане анонимна.

„Многу клиенти бараат црвена долна облека за време на Денот на вљубените“, додаде таа. „За тоа време имаме попусти, но не ги нарекуваме понуди за Денот на вљубените.“

На сите не им е удобно да гледаат долна облека на излозите бидејќи тоа е вознемирувачка глетка по една деценија кога таквите предмети се чувале строго зад затворени врати.

„Не сакам да ги гледам тие работи“, рекла една жена со целосно покриени тело и лице, а и се гледаат само очи. Таа не сакаше да го каже своето име, пишува Франс 24..

Времињата се менуваат, сепак, и многумина во Саудиска Арабија, каде што повеќе од половина од населението е помладо од 35 години, го прифаќаат Денот на вљубените, го нарекувале така или не.

„Порано луѓето не го славеа Денот на вљубените, но сега многу Саудијци го слават“, ни рече Хулуд, продавачка која не сакала да го каже своето презиме.

„Во овој момент има голема побарувачка за облека, а клиентите често бараат облека во црвено, па профитот е голем“, објаснила продавачката. Таа додаде дека во деновите околу Денот на вљубените, црвената долна облека е најбарана.

Продавниците нудат и попусти на парфеми и шминка, а на излозите се истакнати црвени срца, но без да се спомене Денот на вљубените.

Во моментот на купувањето, Рим ал-Катани рече дека саудиското општество почнува да го прифаќа Денот на вљубените, иако името сè уште не е споменато.

„Засега славиме тивко во рестораните и кафулињата, но се надеваме дека тоа ќе се промени во наредните години“, рече таа за Франс 24.

ОСТАВИ КОМЕНТАР

Please enter your comment!
Please enter your name here