Натпреварот од првото пролетно коло во ВМФЛ-Запад меѓу Охрид и Вардар заврши без погодоци (0-0). Далеку позадоволни од резултатот и пристапот беа домашните играчи и фанови, наспроти гостите од Скопје.
За време на натпреварот Поради инцидентот и дивеењето на приврзаниците на Вардар, од СВР Охрид потврдија дека отвори истрага.
„За време на одржување на фудбалскиот натпревар на спортскиот центар „Билјанини извори“ во Охрид, поголема група навивачи го наруши јавниот ред и мир со оштетување и уништување на инвентарот на стадионот како и со предизвикување насилство, палење и фрлање на пиротехнички средства.
По интервенција на полициските службеници, спречен е обидот за насилство и недостојно однесување на спортски натпревар, пронајдени и одземени се петарди, факли и други пиротехнички средства“, информираа од СВР Охрид.
Поради нарушување на јавниот ред и мир, како и кршење на инвентарот од страна на „Комити“ реагираше полицијата, но за среќа се избегна посериозен инцидент.
Скопските фанови беа во солидна бројка на гостувањето во Охрид, а беа пречекани и од расположените „Рибари“ кои исто така беа добро организирани.
