Повеќето Германци би сакале четиридневна работна недела под услов бројот на работни часови да остане ист, покажува истражувањето на Институтот Форса и РТЛ.
Тоа е модел неодамна усвоен во Белгија. Вработените можат да изберат да работат четири или пет дена во неделата, но нивното неделно работно време не се менува.
На пример, една недела со 40 работни часа може да се направи за четири дена од 10 часа наместо за пет дена со осум часа работа. Белгијците го воведоа затоа што им овозможува на работниците поголема флексибилност, слобода и балансирање на деловниот и приватниот живот.
Според истражувањето, 78 отсто од Германците би сакале ваков модел и во Германија, на што се противат 22 отсто од испитаниците.
„Белгискиот модел“ има најголема поддршка, 81 отсто, кај возрасната група од 30 до 44 години, а кај високообразованите со 75 отсто.
