Убиство што ја потресе Битола кога татко бранејќи ја својата ќерка од насилството на поранешниот сопруг го застрелал зетот.
Убиениот рано утрото упаднал во домот на таткото на неговата поранешна сопруга и и се заканувал држејќи во рацете мачета. Таткото во тој момент го извадил оружјето и пукал, по што неговиот поранешен зет починал на лице место. Според полицискиот извештај, екипата на Итната медицинска помош само ја констатирала смрт. Убиениот пред извесен период се вратил од одлежување на казна затвор и ѝ бил добро познат на полицијата со дебело криминално досие.
На социјалните мрежи се огласи и неговиот син, братот на девојката која била малтретирана многу години….
Драги пријатели, добро намерници и сите што ја знаете вистината за мојот ТАТКО кој што си ја бранеше својата фамилија од 20 годишните маки. Ве повикувам утре на ден 23.02.2022 г. во 12:00ч. заедно со мене и мојата фамилија на мирен протест пред Основниот суд во Битола поради одлуката на судот за притвор на мојот ТАТКО и истиот да биде пуштен дома за да се брани од слобода за дело кое што го направи во самоодбрана и нужна одбрана и спаси пет други животи, заедно со неговиот шест.
Протестот е уредно пријавен во Полиција.
Ве молам споделете и Ви благодарам за поддршката на сите!
Јове Ѓоргиевски, син на Тони Ѓоргиевски – Фердо
