Владата ќе понуди помош во случај на ескалација во Украина, иако сите напори се во насока тоа да не се случи, рекоа денеска владините портпароли Муамет Хоџа и Душко Арсовски, одговарајќи на новинарско прашање дали и колку нашата земја може да прими бегалци од Украина доколку дојде до нов миграциски бран.
Тие најавија дека во оваа насока ќе биде и денешниот телефонски разговор, кој премиерот Димитар Ковачевски ќе го има со својот колега, претседателот на украинската влада, Денис Шмигаљ.
