Претседателот на Македонската партија ГДУ, македонскиот Бугарин, Петар Колев, при минатонеделното гостување на државната бугарска телевизија БНТ, го пофали ставот на Радев и ја обвини и нашата влада дека потрошила 30 мил. евра за анитбугарска кампања.
На прашање на новинарката на БНТ зошто на минатите избори собрале само 0,38%, г-динот Колев не одговори на прашањето туку рече:
„Според нас, сегашната позиција на Бугарија не треба да се менува во иднина додека Бугарите во Македонија не ја добијат својата рамноправност, не се смени Уставот, и овој мал збор ( думичка ) „Бугари“ не се вметне во самиот устав.“
Понатаму додаде:
„Затоа што ако тоа се случи (да се подигне ветото н.з.), тоа ќе биде единствен не само европски, туку и глобален парадокс, бидејќи Бугарија ќе го жртвува или прифати феноменот на газење на човековите права на сопствените сонародници во Македонија, а наместо тоа ќе им овозможи на другите луѓе, да имаат корист од дополнителните човекови права, како што е слободното движење на луѓе, стоки и капитал во ЕУ“.
Запрашан кому му користи тоа што работите ги прикажува на спротивен начин и и сугерира на Европа дека во РСМ нема проблем со правата на Бугарите, Петар Колев рече:
„Македонската влада издвои 30 милиони евра за сериозна меѓународна кампања, клеветничка, против Бугарија и против Бугарите во Македонија“
Целото интервју тука
