11.9 C
Ohrid
петок, март 29, 2024
ПочетнаСветАко не НАТО, тогаш гаранции- Зеленски ѝ порача на Русија „само да...

Ако не НАТО, тогаш гаранции- Зеленски ѝ порача на Русија „само да го прекине бомбардирањето“ пред наредните разговори

Украинскиот претседател Володимир Зеленски во вторникот изјави дека Русија мора да престане да ги бомбардира украинските градови пред да почнат значајни разговори за прекин на огнот, бидејќи првиот круг од преговорите оваа недела донел мал напредок, вели Ројтерс.

Во интервјуто Зеленски ги повика членките на НАТО да воведат зона на забранети летови за да ги запрат руските воздухопловни сили, велејќи дека ова ќе биде превентивна мерка и нема да има цел да ја вовлече Алијансата во војна со Русија.

Зеленски исто така рече дека Украина ќе бара законски обврзувачки безбедносни гаранции доколку НАТО ја затвори вратата за изгледите за членство на Украина.

Поставувајќи ги своите услови за понатамошни разговори со Русија, Зеленски во заедничкото интервју за Ројтерс и Си-ен-ен рече: „Неопходно е барем да се запре бомбардирањето на луѓето, само да се запре бомбардирањето и потоа да се седне на преговарачка маса“.

Додека зборуваше тој, се појави вест дека руски проектил погодил ТВ-кула во близина на меморијалниот центар на Холокаустот во украинскиот главен град, при што загинале најмалку пет лица. Претходно во вторникот проектили го погодија срцето на источниот град Харков.

Ако не НАТО, тогаш гаранции

Украина доби испораки со оружје од членките на НАТО за да ѝ помогнат да ѝ се спротивстави на целосната воена инвазија што ја почнаа руските сили минатата недела, додека Западот, исто така, воведе големи санкции за руската економија.

Но Зеленски ја повика меѓународната заедница да стори повеќе, вклучително и воведување зона на забранети летови.

„Ова не е за вовлекување на земјите од НАТО во војна. Вистината е дека сите одамна се вовлечени во војна и дефинитивно не од Украина, туку од Русија – се води голема војна“, рече Зеленски.

Тој, сепак, рече дека американскиот претседател Џо Бајден лично му кажал дека сега не е време да се воведе таква мерка.

Украина го притисна НАТО да го забрза нејзиното влегување, потег на кој Русија жестоко се спротивставува и што се наведува како една од причините за нападите на Москва.

„Нашите партнери, доколку не се подготвени да ја примат Украина во НАТО… затоа што Русија не сака Украина да биде во НАТО, треба да разработат заеднички безбедносни гаранции за Украина“, рече Зеленски.

„Тоа значи дека го имаме нашиот територијален интегритет, дека нашите граници се заштитени, имаме посебни односи со сите наши соседи, дека сме целосно безбедни, а гарантите што ни ја даваат безбедноста, тие да го гарантираат тоа законски.“

Додека Украина стои сама на бојното поле, таа ја притисна Европа да признае дека нејзината сопствена безбедност е поврзана со онаа на Западот, вели Ројтерс.

„Многу е важно да знаете дека ако падне Украина, тогаш сите овие (руски) трупи ќе бидат на границите на вашите земји-членки на НАТО… и вие ќе се соочите со истото прашање таму“, рече Зеленски.

Тој тврдеше дека Европа и САД ги игнорирале молбите на Киев за превентивни санкции пред почетокот на војната, но го поздрави влијанието што тие сега го имаат врз Русија.

Зеленски рече дека сојузниците на Украина понудиле финансирање за да ја поддржат за време на војната, но ги повика да дејствуваат брзо.

„Ние имаме војна секој ден, ни треба помош секој ден“, рече тој. „Нема многу време за дискусии.“

Запрашан колку долго ќе издржи неговата земја, Зеленски рече: „Ние не издржуваме, ние се бориме, а нашата нација ќе се бори до крај. Ова е наш дом, ние си ја штитиме земјата, нашите домови. За доброто на нашите иднината на децата“.

„Умираат деца“, рече тој.

„Имаме што да браниме, го браниме нашето право да живееме. А што прават тие (Русите) овде? Тие не го разбираат нашиот народ, нашата држава, нашата филозофија… Тие не знаат ништо овде, тие беа испратени овде да убиваат и да умрат. Затоа ние сме посилни на нашата територија и ќе бидеме посилни“.

spot_img
spot_img
ПОВРЗАНИ СТАТИИ

Најпопуларни

Повеќе постови

Сашо Донев, Лидија Петкоска и Грација Бакраческа кандидати за пратеници од Охрид

Извршниот и Централниот комитет на ВМРО-ДПМНЕ ги усвои пратеничките листи на ВМРО-ДПМНЕ и Коалицијата за наредните парламентарни избори. На листата во петтата изборна единица има...

Села оди во коалиција со Ахмети, очекува најмалку пет пратенички мандати

Алијанса на Зијадин Села оди во коалиција со Али Ахмети. Со само еден делегат против било одлучено АА да стапи во коалиција со ДУИ...

Тепачка помеѓу вработени во болница во Карпош

Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени...

Општините ќе можат да конфискуваат дивоградби и наместо да ги уриваат да ги доделат на користење на ранливи групи

Општините ќе можат да конфискуваат дивоградби и наместо да ги уриваат да ги доделат на користење на ранливи групи или младински организации. Како што...